Бөлүмдөр
Дүйшөмбү, 17-декабрь
Талас облусуМанас району 07.11.2017 11:54

Чоң энелеринин өнөрүн улаган Кондури Инесса 12 жашынан тарта түймөчү (фото)

Turmush -  Манас районунун Покровка айылынын 19 жаштагы тургуну Кондури Инесса 12 жашынан бери кол өнөрчүлүк менен алектенет. Анын өнөрү менен аймактык кабарчы таанышты. Учурда ал түймөнүн 4 түрүн билет.

«Мен түймөдө шиш жана ийне колдоном. Бул өнөрдү 12 жашымдан баштап чоң апам үйрөткөн. Учурда Талас мамлекеттик университетинин гуманитардык факультетинде 3-курста окуйм. Сабактан кийинки убактымда хоббим болгон түймө менен алектенем», - деди жаш талант.

Анын үй-бүлөсүндө энелер кыздарга түймөнү үйрөтүү салтка айланган. Учурда каарманыбыз кагаздан гүлдөрдү жасаганга да жетишип жатат.

«8-мартка карата жасаган гүлдү 500 сомдон баалап алышат. Гүлдөр гофре кагазынан жана салфеткадан жасалат. Келечекте башталгыч класстардын мугалими болгум келет», - деп кошумчалады.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×